Devid Boui: Son beş il

«David Bowie: The Last Five Years» sənədli filmi əfsanəvi musiqiçinin ömrünün və fəaliyyətinin yekun dövrünə nəzər salır. Həmin vaxt sənətçi ictimaiyyət qarşısına çox nadir hallarda çıxır və daha qapalı həyat tərzi sürürdü. Lakin o, studiya fəaliyyətini dayandırmır, bütün yeni ideyalarını yüksək məxfilik şəraitində həyata keçirməyə davam edirdi.

Ekran əsərində musiqiçinin ağır xəstəliklə mübarizəsi, yeni albomların lentə alınması və musiqi videolarının çəkiliş prosesi əks olunur. Hadisələr şahidlərin ifadələri və Devid Bouinin şəxsi müsahibələri üzərində qurulur. Beləliklə, layihə sənətçinin həyatının son beş ilini ümumiləşdirərək yaradıcılığına yekun vurur.

Böyük Britaniyada istehsal olunmuş 2017-ci il təvəllüdlü bu filmin rejissoru Frensis Uotlidir. Layihədə Devid Boui ilə yanaşı, onunla çiyin-çiyinə çalışmış Toni Viskonti, Ketrin Rassel və Geoff Makkormek kimi şəxslər də yer alıb.