Devid Boui: Şöhrətə aparan yol

Hələ məktəb illərində Devi Cons gələcəkdə mütləq ulduz olacağına inanırdı, lakin o vaxtlar bunu caz kvartetinin üzvü kimi təsəvvür edirdi. Əsl şöhrət isə ona Devid Boui adı altında və androgin yadplanetli obrazı olan Ziqqi Stardastın yaranması ilə gəldi. Bütün dünyada tanınmaq üçün musiqiçiyə on bir illik gərgin və axtarışlarla dolu bir yol keçmək lazım oldu.

«David Bowie: Finding Fame» sənədli filmi sənətçinin bu dövrdə keçdiyi maraqlı təkamülü ətraflı şəkildə nümayiş etdirir. Uğura doğru addımlayarkən Boui doqquz qrup dəyişdi, ritm-end-blüz ifa etdi, «Meri Poppins» myuziklinin mahnılarını oxudu, mimik tamaşalar göstərdi və hippi həyat tərzi sürdü. O həmçinin qadın geyimləri ilə təcrübələr aparır və uzunsaçlı kişiləri müdafiə edən cəmiyyət yaradırdı.

Böyük Britaniya istehsalı olan bu bioqrafik ekran əsərinin rejissoru Frensis Uotlidir. 2019-cu ildə işıq üzü görən layihədə Fil Lankaster, Denis Teylor və Toni Hetç kimi sənət yoldaşlarının xatirələri və unikal arxiv kadrları yer alır.