Con Uikin Dünyası

Ümumi gəliri bir milyard dolları keçən məşhur döyüş franşizasının arxasında duran çətinliklər və maraqlı məqamlar gün işığına çıxır. «Con Uikin Dünyası» sənədli filmi bu layihənin necə ərsəyə gəldiyini və böyük ekrana aparan yolu detallı şəkildə nümayiş etdirir.

Ekran əsərində çəkiliş prosesindən indiyədək az bilinən detallar təqdim olunur. Məsələn, aktrisa Eva Lonqoriyanın çəkilişlərin ləğvinə bir sutkadan az vaxt qalmış layihəyə altı milyon dollar ayırması və İordaniya kralı II Abdullanın səhnələrdən biri üçün şəxsi Black Hawk helikopterini təqdim etməsi kimi faktlar diqqətə çatdırılır.

ABŞ istehsalı olan 2025-ci il sənədli filminin rejissoru Ceffri Doudur. Kadrarxası prosesləri əsas rolu canlandıran Kianu Rivz, rejissor Çad Stahelski, eləcə də Skott Edkins və Deniel Bernhard şərh edirlər.