Dior və mən

Belçikalı dizayner Raf Simons Con Qalyanonun gedişindən sonra "Dior" moda evinin bədii rəhbəri vəzifəsini icra etməyə başlayır. Yeni rəhbər xanımlar üçün ilk yüksək dəb kolleksiyasını cəmi səkkiz həftəyə hazırlamaq məcburiyyətində qalır. Halbuki bu cür mürəkkəb layihələr üçün adətən dörd aydan səkkiz aya qədər vaxt ayrılır.

"Dior və mən" sənədli filmi məşhur fransız atelyesinin qapalı qapıları arxasında baş verən gərgin iş prosesini addım-addım ekrana gətirir. Ekran əsəri Simonsun dərzi briqadası ilə münasibətlərini və debut nümayişinin hansı zəhmətlər bahasına ərsəyə gəldiyini aydın şəkildə nümayiş etdirir.

Fransa istehsalı olan bu sənədli layihəni 2014-cü ildə rejissor Frederik Çen lentə alıb. Filmdə Cennifer Lourens, Donatella Versaçe, Omar Barrada və Kay Van kimi simalar da yer alıb.