Dünyanın susuzluğu

Fransa istehsalı olan «Dünyanın susuzluğu» («La soif du monde») sənədli filmi bəşəriyyətin həyatı üçün vacib olan su ehtiyatları məsələsini araşdırır. Əhalinin sürətlə artması və iqlim dəyişikliyi fonunda şirin su yer üzünün ən qiymətli təbii sərvətlərindən birinə çevrilib.

Çəkiliş heyəti dünyanın iyirmi fərqli ölkəsini, o cümlədən gediş-gəlişi çətin olan ucqar əraziləri gəzib. Fotoqraf Yann Artus-Bertrandın obyektivi çayların, göllərin və bataqlıqların yaratdığı bənzərsiz təbii mənzərələri və şirin su dünyasını əks etdirir.

2012-ci ildə nümayiş olunan lentin rejissorları Tyerri Piantanida və Baptist Ruje-Lüşerdir. Ekran əsərində Katarina de Albukerke və Vandana Şiva kimi simalar yer alıb.