Nikola Tesla: Dünyanın hökmdarı

1908-ci ilin yayında Sibir meşələrinin üzərində güclü partlayış baş verdi və səmanı parlaq işıq bürüdü. Hadisənin şahidləri göydə fit səsi ilə hərəkət edən nəhəng cisim gördüklərini bildirdilər, yaranan dalğa isə bütün yer kürəsini dolaşdı. İllər keçsə də, bu hadisənin meteorit, qaz partlayışı və ya yadplanetli gəmisi olması ilə bağlı müxtəlif fərziyyələr səslənməkdədir.

«Nikola Tesla: Dünyanın hökmdarı» sənədli filmi bu sirli qəzanı fərqli bir nəzəriyyə ilə izah edir. Ekran əsəri faciənin arxasında enerjini məsafəyə ötürmək üzərində çalışan məşhur alimin təcrübələrinin dayana biləcəyini araşdırır. İxtiraçının qeyri-adi fəaliyyəti və ona yönələn iddialar film boyu təhlil olunur.

Layihə 2007-ci ildə Rusiya istehsalı olaraq təqdim edilib. Sənədli filmin rejissoru Vitali Pravdivtsevdir.