House of Cardin

Pierre Cardin loqotipi bütün dünyada məşhur olsa da, bu qlobal brendin arxasında dayanan şəxsiyyət çox vaxt diqqətdən kənarda qalıb. «House of Cardin» sənədli filmi əfsanəvi modelyerin kimliyini və onun yaradıcılıq yolunu araşdırır. Ekran əsəri dahi dizaynerin keçdiyi ömür yolunu addım-addım işıqlandırır.

Ekran işinin çəkilişi üçün fransız kutyuryesi rejissorlara öz nəhəng imperiyasının qapılarını açıb və şəxsi arxivlərindən istifadə etməyə icazə verib. Filmdə modelyerin karyerasının son dövrlərində verdiyi səmimi müsahibələr və onun sənət baxışları əksini tapıb.

2019-cu il istehsalı olan bu bioqrafik filmi rejissorlar P. Devid Ebersoul və Todd Hyuz ABŞ və Fransa birgə istehsalı olaraq ərsəyə gətiriblər. Layihədə Pyer Kardenlə yanaşı Jan-Pol Qotye, Filipp Ştark və Naomi Kempbell kimi tanınmış simalar da yer alıb.