May ayının ilk bazar ertəsi

Nyu-Yorkdakı Metropoliten Muzeyi hər il Kostyum İnstitutunun növbəti sərgisinə həsr olunmuş məşhur Met Gala gecəsini keçirir. Dəvətlilər tədbirə xüsusi seçilmiş mövzuya uyğun geyimlərlə qatılırlar. «The First Monday in May» sənədli filmi bu tədbirin necə ərsəyə gəldiyini pərdəarxası məqamlarla nümayiş etdirir.

Bütün hazırlıq prosesinə «Vogue» jurnalının baş redaktoru Anna Vintur və kurator Endrü Bolton rəhbərlik edirlər. Tamaşaçılar sərginin qurulmasını, qonaqların siyahısının dəqiqləşdirilməsini və Rihannanın məşhur libası da daxil olmaqla eksponatların təfərrüatlarını müşahidə edirlər. Ekran əsəri dəb dünyasının müasir incəsənətlə əlaqəsini təhlil edir.

Layihənin rejissoru Endrü Rossidir. Kadrlarda Con Qalyano, Karl Lagerfeld və Jan-Pol Qotye kimi tanınmış simalar yer alıb. ABŞ istehsalı olan bu sənədli film 2016-cı ildə işıq üzü görüb.