Döyüş iti: Əsgərin ən yaxşı dostu

11 sentyabr hadisələrindən sonra ABŞ ordusu xüsusi təyinatlı qüvvələrə dəstək məqsədilə K9 xidməti itlərinin xüsusi təlim proqramını genişləndirdi. Bu dördayaqlı döyüşçülər düşmənləri aşkar etmək və təhlükələri zərərsizləşdirmək üçün ən mürəkkəb tapşırıqlara hazırlanırdı.

Cəbhədə xidmət edən heyvanlar hərbçilər üçün sadəcə döyüş köməkçisi deyil, həm də ağır anlarda ən böyük mənəvi dayaq rolunu oynayırdı. «War Dog: A Soldier's Best Friend» sənədli filmi əsgərlər ilə onların sadiq itləri arasındakı qırılmaz dostluq və emosional bağdan bəhs edir.

2017-ci ildə ABŞ-da istehsal olunmuş filmin rejissoru Debora Skrentondur. Ekran əsərində Con Dikson, Donovan Hanter, Pol Lesli və Trent Makdonald öz xatirələrini bölüşürlər.