Transformasiya

ABŞ dəniz piyadası və pauerliftinq üzrə dünya rekordçusu Mett Krokzaleski uzun müddət güc idmanında tanınan simalardan biri olub. 2015-ci ildə onun transgender olduğu ictimaiyyətə bəlli olur. Caney adını götürən idmançı qadın olaraq yaşamağa qərar verir, lakin bu addım sponsorların imtinasına, karyerasının bitməsinə və valideynlərinin ondan üz döndərməsinə gətirib çıxarır.

Caney yeni reallıqlara uyğunlaşmağa, yaxınlarının reaksiyaları ilə barışmağa çalışır. O, illər boyu formalaşdırdığı əzələli bədən quruluşu ilə daxili qadın kimliyi arasında bir balans qurmaq məcburiyyətində qalır. Bu ziddiyyətli proses onun gündəlik həyatının əsas sınağına çevrilir.

«Transformasiya» adlı sənədli filmin rejissoru Maykl Del Montedir. Kanada istehsalı olan bu ekran əsəri 2017-ci ildə işıq üzü görüb və baş qəhrəman qismində Caney Mari Krokzaleski çəkilib.