Zamanın ruhu: İrəliyə doğru addım

«Zeitgeist: Moving Forward» sənədli filmi mövcud sosial-iqtisadi sistemin problemlərini təhlil edir və ondan imtina etməyin vacibliyini əsaslandırır. Ekran əsəri ənənəvi ideologiyalar və mədəni fərqlər çərçivəsindən kənara çıxaraq insanla təbiət arasındakı empirik əlaqələrə diqqət yetirir. Burada təbiət qanunlarına əsaslanan yeni bir cəmiyyət modelinin zəruriliyi vurğulanır.

Filmdə davamlı inkişaf üçün təklif olunan alternativ yanaşma resursyönümlü iqtisadiyyat adlanır. İctimai münasibətlərin və resursların bölüşdürülməsinin elmi əsaslarla yenidən qurulması imkanları geniş şəkildə araşdırılır.

ABŞ istehsalı olan bu sənədli filmin rejissoru Piter Cozefdir. Ekran işində Robert Sapolski, Qabor Mate və Riçard Uilkinson kimi alimlər və tədqiqatçılar yer alıb. Layihə 2011-ci ildə nümayiş olunub və məşhur «Zeitgeist» seriyasının bir hissəsidir.