Böyük hökmdar

Şivacinin vəfatından sonra Maratx dövlətinin taxtına onun oğlu Sambhaci keçir. Yeni rəhbər səlahiyyətlərini qəbul etdiyi ilk günlərdən ciddi xarici təhlükə ilə üzləşir. Böyük Moğol imperatoru Övrəngzeb cənub torpaqlarındakı mövqelərini möhkəmləndirmək niyyətindədir və Burhanpur şəhərini cənubun əsas mərkəzinə çevirmək istəyir.

İmperatorun təyin etdiyi canişinlər yerli xalqa ağır vergilər qoyur və onları sıxışdırırlar. Əhalinin çəkdiyi çətinliklərdən xəbərdar olan Sambhaci atasının qurduğu dövləti qorumaq üçün hərəkətə keçir. O, Moğol hakimiyyətinə qarşı çıxaraq Burhanpur istiqamətində hərbi yürüş hazırlığına başlayır.

2024-cü ildə Hindistanda çəkilmiş «Shivrayancha Chhava» tarixi filminin rejissoru Digpal Lanjekardır. Əsas rollarda Vikram Gaikwad, Bhushan Shivtare, Amit Deshmukh və Avadhoot Gandhi çəkiliblər.