Sudakı izlər

Böyük Vətən müharibəsi başa çatdıqdan sonra Belarusun qərb bölgələrində cinayətkar dəstələr yerli əhaliyə rahatlıq vermir. 1946-cı ildə cəbhə kəşfiyyatçısı, baş leytenant Smoliç yerli milisə kömək etmək üçün Poreçye qəsəbəsinə göndərilir. Ərazidə faşistlərin keçmiş əlaltısı olan Freyşyuts ləqəbli sirli cinayətkarın rəhbərlik etdiyi qrup xüsusilə amansızlıq nümayiş etdirir.

Cinayət axtarış şöbəsinin rəisi Krikunov və Smoliç təhlükəli cinayətkarları zərərsizləşdirmək üçün plan hazırlayırlar. Lakin əməliyyatın detalları kənara sızır və planlaşdırılan tədbir təhlükə altına düşür. Tezliklə aydın olur ki, milis şöbəsinin daxilində cinayətkarlara məlumat ötürən xain fəaliyyət göstərir.

«Sledı na vode» («Sudakı izlər») tarixi filmi real hadisələr əsasında lentə alınıb. 2016-cı il Belarus istehsalı olan bu ekran işinin rejissoru Aleksandr Anisimovdur. Əsas rolları Aleksandr Sutskover, Viktor Molçan, Pyotr Yurçenkov və İqor Siqov canlandırıblar.