Pizza

Maykl Kartikeyan adlı gənc kuryer dolanışığını pizza çatdırmaqla təmin edir və sevgilisi Anu ilə birlikdə yaşayır. Qız fövqəltəbii hadisələr haqqında kitab yazır və bu mövzuda araşdırmalar aparır. Maykl belə sirli qüvvələrə şübhə ilə yanaşsa da, Anu onun da tezliklə bu reallıqla üzləşəcəyini iddia edir.

Növbəti sifariş üçün Smita adlı qadının bunqalosuna yollanan gəncin həyatı qəfil dəyişir. Maykl iş yerinə qan içində və dərin şok vəziyyətində qayıtmağa məcbur qalır. Həmin evdə qapalı qapılar arxasında nələrin baş verdiyini o, iş yoldaşlarına bir-bir danışmağa başlayır.

Hindistan istehsalı olan qorxu və triller janrlı «Pizza» filmi 2012-ci ildə ekranlara çıxıb. Ekran əsərinin rejissoru Kartik Subbaracdır, baş rolları isə Vicay Sethupathi, Remiya Nambisan, Cayakumar və Coy Badlani canlandırıb.