Darlin'

Vəhşi həyat sürən himayədarının qərarı ilə meşədə böyümüş gənc qız insan cəmiyyətinə, xəstəxanaya düşür. İlk anlarda yad mühit və ətrafdakılar onda böyük qorxu yaratsa da, zaman keçdikcə gərginlik azalır və qız insanlara etibar etməyə başlayır.

Yerli katolik yetimxanasının rəhbəri bu hadisədə özü üçün əlverişli fürsət görür. O, dinin təsiri sayəsində vəhşi bir gəncin mədəni insana çevrildiyini nümayiş etdirmək qərarına gəlir və rahibələrə qıza Müqəddəs Kitabı oxumağı öyrətməyi tapşırır.

«Darlin'» triller filminin rejissoru Polianna Makintoşdur. 2019-cu ildə ABŞ-da istehsal olunmuş ekran əsərində baş rolları Lorin Kənni, Brayan Bətt, Nora-Ceyn Nun və Kuper Endryus canlandırıb.