Underground

Qapalı hərbi bazada bioloji silahlar üzərində aparılan gizli təcrübələr fəlakətlə nəticələnir. Nəzarətdən çıxan vəhşi mutantlar laboratoriyadan qaçır, onları dayandırmaq üçün göndərilən xüsusi təyinatlı dəstə isə məxluqların qarşısında aciz qalır.

Hadisədən iki il sonra keçmiş bazanın ərazisində kütləvi əyləncə tədbiri təşkil olunur. Rəqs meydançasında cinayətkarlarla toqquşan bir qrup gənc canını qurtarmaq üçün oradan uzaqlaşmağa çalışır. Qaçaraq yeraltı tunellərə sığınan gənclər həmin qorxunc varlıqların hələ də burada məskunlaşdığından xəbərsizdirlər.

ABŞ istehsalı olan «Underground» triller filmi 2010-cu ildə çəkilib. Rafael Ayzenmanın rejissorluq etdiyi ekran əsərində baş rolları Ross Tomas, Sofiya Pernas, Adrian R'Mante və Ceff D'Aqostino canlandırır.