Thunderbird

Gənc balıqçı Vilyam Bruk bacısı Saranın qəfil yoxa çıxdığını öyrəndikdən sonra Sakit okeanın şimal-qərbində yerləşən kiçik bir sahil qəsəbəsinə yollanır. Eyni zamanda detektiv Ayvi Seymur bu bölgədə yerli qadınların ard-arda müəmmalı şəkildə qətlə yetirilməsi və itkin düşməsi faktlarını araşdırır.

Meşədə Saranın qonşusunun meyiti aşkar edildikdə, aparılan istintaq Vilyamın şəxsi axtarışları ilə kəsişir. Beləliklə, polis işçisi ilə gənc balıqçı birlikdə çalışmaq məcburiyyətində qalır. Bu prosesdə Bruk həm yerli sakinlərin aqressiv münasibəti, həm də keçmişinin ağrılı xatirələri ilə üzləşir.

Kanada istehsalı olan «Thunderbird» trilleri 2019-cu ildə rejissor Nikolas Treşin tərəfindən lentə alınıb. Filmin əsas rollarını Natali Braun, Colten Wilke, Aaron Duqlas və Brittni Uilson canlandırıb.