Battered

Alkoqol aludəçisi olan sevgilisinin zorakılığına dözən Payper növbəti döyülmədən sonra xəstəxanaya düşür. Yaşadıqlarının ağırlığını tək daşıya bilməyən gənc qadın dəstək almaq üçün oxşar taleyi bölüşən qadınların dərnəyinə üz tutur. Burada o, eyni acıları yaşamış və susmaqdan yorulmuş insanlarla tanış olur.

Bir araya gələn qadınlar öz keçmiş partnyorlarından intiqam almaq və onlara əzab vermək qərarına gəlirlər. Lakin hazırlanan qisas planı gözlənilməz təhlükələrlə üzləşir, çünki qarşı tərəf asanlıqla təslim olmaq niyyətində deyil və amansız müqavimət göstərir.

«Battered» triller və qorxu janrında çəkilmiş ABŞ istehsalı qısametrajlı filmdir. Ekran əsərinin rejissoru Lüis Leslidir, əsas rolları isə Karli Cons, Lyuk Benhem, Hit S. Heyn və Laura Li canlandırıb.