Balaur

«Balaur» filmi məktəbdə ilahiyyat fənnini tədris edən və bir keşişlə ailə həyatı quran Yekaterina adlı qadından bəhs edir. Onun nizamlı görünən həyatı çətin xasiyyətli on altı yaşlı şagirdi Yuliu ilə gizli və qadağan olunmuş münasibətə başladıqdan sonra dəyişir.

Qadın gənci öz nəzarəti altında saxlamağa və vəziyyəti idarə etməyə çalışır. Lakin zaman keçdikcə hadisələr gözlənilməz istiqamət alır və o, artıq öz şəxsi həyatına belə hakim ola bilmədiyini anlayır.

2021-ci il istehsalı olan bu psixoloji triller Almaniya, Serbiya və Rumıniyanın birgə əməkdaşlığı ilə hazırlanıb. Rejissor Oktav Kelarunun lentə aldığı filmin əsas rollarında Məlina Manoviçi, Aleksandru Papadopol, Sergiu Smerea və Voyçu Dumitras çəkiliblər.