Outrage

Fransanın dəbdəbəli qəsrində beynəlxalq media nümayəndələri, tanınmış siyasətçilər, ictimai xadimlər və ölkənin prezidentliyinə namizəd olan qadın toplaşır. Qonaqlar dövlətin gələcək taleyini müzakirə etmək üçün bir araya gəlirlər. Lakin dəvətlilər həmin gecə sadə bir tələbənin ölümünə görə cavab verməli olacaqlarından xəbərsizdirlər.

İctimai yerdə atəş açan Maks Moro polis tərəfindən qətlə yetirilib. Həlak olan gəncin anası Alis isə bu mötəbər qəsrdə sakit xadimə kimi çalışır. Oğlunun ölümündə məhz bu nüfuzlu simaları günahkar bilən ana, qonaqlar üçün hazırladığı xüsusi inqrediyentli təamlarla intiqam almağa qərar verir.

«Outrage» trilleri 2022-ci ildə ABŞ və İsveçrə birgə istehsalı ilə çəkilib. Rejissoru Metyu Bonson olan ekran əsərində baş rolları Jüli Qaye, Adelaida Keyn, Cey O. Senders və Klemens Şik canlandırıblar.