DieRy

İnstaqram modeli Mari Klark keçmişin ağrılı xatirələrindən xilas olmaq üçün psixiatr Braytonun seanslarına qatılır. Eyni zamanda o, dinşünaslıq üzrə magistr təhsilini tamamlamaq üzrədir və həyatını qaydaya salmağa çalışır. Lakin naməlum bir təqibçi onun şəxsi gündəliyini oğurlayır.

Qısa müddət sonra həmin şəxsdən qorxulu sevgi məktubları gəlməyə başlayır. Təqibçi Marini qorumaq bəhanəsi ilə onun ətrafındakı insanları bir-bir öldürəcəyini bildirir. Qurbanların sayı artdıqca qızın dostları da şübhə altına düşür və Mari qatili tapmaq üçün keçmişi ilə üzləşmək məcburiyyətində qalır.

«DieRy» adlı ABŞ istehsalı olan trilleri rejissor Cennifer Qelfer lentə alıb. Əsas rollarda Klaudiya Mari Meyler, Kiaran Birn, Ceyms Syutorius və Filip Aleksandr çəkiliblər. Ekran işi 2020-ci ildə nümayiş olunub.