İnmersión

Rikardo iki qızı ilə birgə Çilinin cənubundakı göl kənarında yerləşən tərk edilmiş ailə mülkünə getmək üçün yaxta ilə yola çıxır. Su üzərindəki sakit səfər zamanı onlar batmaqda olan qayıq və kömək istəyən yerli sakinlərlə qarşılaşırlar. Həmin adamların təhlükəli olduğunu düşünən ata qorxu və şübhələrinə təslim olaraq onlara məhəl qoymur və uzaqlaşır.

Atasının bu cür qorxaqlığı və qərəzli davranışı böyük qızın kəskin etirazına səbəb olur. Qayığın göyərtəsində başlayan ailədaxili mübahisə getdikcə dərinləşir və gərgin hadisələr zəncirini hərəkətə gətirir.

«İnmersión» trilleri 2021-ci ildə Çili və Meksika kinematoqrafçıları tərəfindən çəkilib. Ekran işində əsas rolları Alfredo Kastro, Konsuelo Karrenyo, Mariela Minyo və Alex Quevedo canlandırıblar.