Kəndə xoş gəlmisiniz

Böyük şəhərin səs-küyündən uzaqlaşmaq istəyən gənc cütlük Asamiya adlı sakit bir kəndə köçür. İllüstrasiya ilə məşğul olan Anna və korporativ işini yenicə tərk etmiş əri Terumiçi burada dinc günlər keçirəcəklərini düşünürlər. Lakin yerli sakinlərin ilkin mehribanlığı tezliklə boğucu bir marağa və şəxsi həyata kobud müdaxiləyə çevrilir.

Kənddəki insanların Takubo adlı qeyri-rəsmi rəhbərin hər sözünə kor-koranə itaət etməsi vəziyyəti daha da qəlizləşdirir. Anna ətrafdakı qəribə qaydalardan narahat olduğu bir vaxtda, Terumiçi tədricən həmin bu ağsaqqalın təsiri altına düşür və onun tapşırıqlarını yerinə yetirməyə başlayır.

«Warau Mushi» adlı bu Yaponiya trilleri rejissor Hideo Jojo tərəfindən lentə alınıb. 2025-ci il istehsalı olan ekran işində əsas rolları Mai Fukaqava, Ryuya Vakaba, Tomorovo Taquçi və Yuya Matsuura canlandırır.