One Way Trip

Bir qrup gənc meşəyə yollanaraq orada hallüsinogen göbələklər axtarmağı planlaşdırır. Məqsədlərinə çatdıqdan sonra axşam saatlarında əyləncə təşkil edirlər. Lakin içki dalınca gedən dostlarından biri qan içində və zədələnmiş sifətlə geri qayıtdıqda hər şey dəyişir, üstəlik o, başına nə gəldiyini xatırlamır.

Təhlükəni hiss edən gənclər oradan dərhal uzaqlaşmaq istəsələr də, maşınlarının xarab edildiyini və telefonların işləmədiyini görürlər. Yolda gördükləri yaxınlıqdakı fermaya sığınmağa qərar verən dostlar üçün bu addım dəhşətli nəticələr doğurur. Naməlum ovçular meşədə qalan bu gəncləri bir-bir məhv etməyə başlayırlar.

«One Way Trip» adlı qorxu və triller filmi rejissor Markus Velter tərəfindən lentə alınıb. İsveçrə və Avstriya istehsalı olan bu ekran əsəri 2011-ci ildə işıq üzü görüb. Baş rolları Sabrina Reiter, İzabella Bart, Harri Lampl və Tanya Rauniq canlandırıblar.