The Devil Within

Hadisələr 1980-ci illərdə İspaniyanın kənd yerlərində cərəyan edir. Migel və Alisiya cütlüyü oğulları Qabrielin müəmmalı şəkildə yoxa çıxmasının dərdini çəkir. Uşağın itkin düşdüyü gecə sərxoş olan Migeli dərin günahkarlıq hissi rahat buraxmır.

Eyni vaxtda on yaşlı fransız Filip hamilə anası Mari və atası Tomasla birlikdə furqonla atasının böyüdüyü torpaqlara səfərə çıxır. Yolda avtomobil xarab olur və ailə ucqar qəsəbə kənarındakı köhnə maşın qəbiristanlığında dayanmalı olur. Bu yerin sahibləri isə Migel və Alisiyadır. İki fərqli ailənin təsadüfi qarşılaşması qaranlıq hadisələrin başlanğıcına çevrilir.

«The Devil Within» (orijinal adı «Caminando con el diablo») trilleri Ruben Peres Barrena tərəfindən çəkilib. 2026-cı il İspaniya istehsalı olan bu filmdə baş rolları Andrea Qvardiola, Tamar Novas, Mateo Medina və Visente Verqara canlandırır.