Mata

Fransanın xarici kəşfiyyatında çalışan Mata üçün Nigerdəki gizli tapşırıq gözlənilməz sınağa çevrilir. Əməliyyat zamanı xəsarət alan agent həmkarı Antuanın əsir düşməsinin şahidi olur. Vətənə qayıtdıqdan sonra o, daxili təhlükəsizlik orqanına keçir və dağlıq Alp bölgəsində əks-kəşfiyyat fəaliyyətinə cəlb edilir.

Yeni tapşırıq üzərində işləyən qadın buradakı hadisələrin Afrikada baş verən pusqu ilə bağlı olduğunu sezməyə başlayır. Rəhbərliyin həmkarı haqqında vacib detalları gizlətdiyini anlayan Mata xidməti qaydaları kənara qoyaraq yoldaşını xilas etmək naminə şəxsi araşdırmasına start verir.

«Mata» adlı triller filminin rejissor kürsüsündə Raşel Lanq və Klemans Demanton əyləşib. Fransa və Belçikanın müştərək istehsalı olan bu 2026-cı il ekran əsərində baş rolları Melani Loran, Rafael Personnaz, Jozefin Japi və Alvina Brion Balzarotti canlandırır.