The Tenant

Gənc bir qızın yataqxanada intihar etməsi binada böyük təşviş yaradır. Qorxuya düşən sakinlərin əksəriyyəti dərhal köçüb gedir və bina demək olar ki, tamamilə boş qalır. Həmin vaxt ciddi maddi sıxıntı çəkən qrafik dizayner Març özünə ən ucuz kirayə mənzil axtarır.

O, həmin binaya yerləşdikdən sonra qiymətlərin bu qədər aşağı olmasının qorxunc səbəbini öyrənir. Pulu çatmadığı üçün orada qalmağa məcbur olan gənc xeyirxah görünən bina sahibi və qalan azsaylı qonşularla tanış olur. Çox keçmədən Març burada baş verən dəhşətli və izahsız hadisələrlə üz-üzə qalır.

2024-cü il istehsalı olan The Tenant filmi Tailand istehsalı triller və qorxu janrındadır. Ekran əsərinin rejissoru Anan Rasameedir. Əsas rolları Anntonia Porsild, Kittinan Karnmongkolvamich, Ampha Phoosit və Pepo Nutchapan Paramacharenroj canlandırıblar.