Evdar Qadınların Qətl Sazişi

Lorelay, Ceki və Ella həm qonşu, həm də yaxın rəfiqədirlər. Qadınlar vaxt keçirmək üçün Cekinin evinə yığışaraq qızlar məclisi təşkil edirlər. Lakin maskalı bir kişinin qəfil içəri daxil olub onlara amansızcasına hücum etməsi ilə dinc gecə birdən-birə pozulur.

Özlərini müdafiə etməyə çalışan rəfiqələr təcavüzkarı təsadüfən öldürürlər. Sonradan bəlli olur ki, maskanın arxasındakı şəxs Cekinin qaçıb gizləndiyi keçmiş zorakı sevgilisidir. Qadınlar polisə xəbər verməmək qərarına gəlirlər və baş verənləri gizlətmək üçün meyiti basdırmağa söz verib aralarında saziş bağlayırlar.

«Housewives Murder Pact» adlı ABŞ istehsalı olan triller rejissor Daniel Stayn tərəfindən lentə alınıb. 2026-cı il filminin əsas rollarında Segen Qebremariam, Annet Sanders, Kris Vilhoyt və Skot Kuper çəkiliblər.