Qərib

Şəhərdən kənarda dincəlmək istəyən iki rəfiqə sakit həftəsonu keçirmək qərarına gəlir. Onlar meşədə, göl kənarında yerləşən ailə evinə yollanırlar. Qızların təklikdə vaxt keçirmək niyyəti meşə gəzintisi zamanı qarşılaşdıqları yaraşıqlı bir kişi ilə tanışlıqdan sonra pozulur.

Yol yoldaşlarının diqqətini çəkən bu qərib onların evinə dəvət alır. Zaman keçdikcə qonağın davranışları qızlar arasında şübhə və qısqanclıq yaradır, onların münasibətlərini sınağa çəkir. Çox keçmədən hadisələr elə təhlükəli istiqamət alır ki, rəfiqələr artıq dostluqlarını deyil, həyatlarını qorumaq məcburiyyətində qalırlar.

ABŞ istehsalı olan «Dead in the Water» triller filmi 2020-ci ildə nümayiş olunub. Ekran əsərinin quruluşçu rejissoru Naneya Miyata, baş rol ifaçıları isə Piter Porte, Encela Qalner, Katrin Lidstoun və Sem Krumrindir.