Cezabel

Dəhşətli yol qəzası Cessi üçün böyük faciəyə çevrilir: o, həm nişanlısını, həm də dünyaya gəlməmiş körpəsini itirir, özü isə əlil arabasına məhkum olur. Hərəkət qabiliyyətini itirən gənc qadın təkbaşına qala bilmədiyi üçün atasının yanına qayıtmalı olur. Onlar təcrid olunmuş, səssiz bir malikanədə məskunlaşırlar.

Evdə keçirdiyi günlərdə Cessi çoxdan vəfat etmiş anasının lentə aldığı qəribə videoçarxlar tapır. Qadının kasetlərdə dediyi sirli proqnozlar tədricən gerçəkləşməyə başlayır. Keçmişdən gələn bu qorxulu xəbərdarlıqlar Cessini dəhşət içində qoyur.

ABŞ istehsalı olan «Jessabelle» qorxu və triller filmini 2014-cü ildə rejissor Kevin Qrotert çəkib. Ekran əsərində baş rolları Sara Snuk, Devid Endryus, Nik Basta və Lüsius Baston ml. canlandırıb.