Matching

Rinka adlı gənc qadın tanışlıq tətbiqində qeydiyyatdan keçir və orada Tomu adlı şəxslə ünsiyyət quraraq görüş təyin edir. Lakin görüş yerinə gəldikdə qarşısındakı adamın fotolardakı şəxsə heç bənzəmədiyini görür. Vəziyyətdən narahat olan Rinka dərhal oradan uzaqlaşır.

Çox keçmədən şəhərdə sirli qətllər silsiləsi baş verir. Həmin tətbiq vasitəsilə tanış olan cütlüklər hədəfə çevrilir və əsas şübhəli şəxs qismində məhz Tomu diqqət mərkəzinə düşür. Bu hadisələrdən sonra Rinkanın həyatında izaholunmaz hallar yaşanmağa başlayır.

Yaponiya istehsalı olan bu triller filminin rejissoru Eiji Uchidadır. 2023-cü ildə təqdim edilmiş layihədə baş rolları Tao Tsuchiya, Daisuke Sakuma, Nobuaki Kaneko və Yutaka Mishima canlandırıb.