Sirli meşə: Nəslin lənəti

Gözdən uzaq bir mülkün sahibi, ona təsərrüfat işlərində kömək etmələri üçün bir ana ilə yeniyetmə oğlunu evinə dəvət edir. Əraziyə gələn ana və bala verilən tapşırıqları yerinə yetirməyə başlayırlar. Lakin bu kimsəsiz məkanda keçirdikləri vaxt artdıqca ətraflarındakı ab-hava getdikcə daha da ağırlaşır.

Çox keçmədən qonaqlar dəhşətli yuxular görməyə başlayırlar və bu kabuslar tədricən gerçək həyata da sirayət edir. Onların gözünə görünən heyvan geyimli ruhlar isə ana ilə oğluna nəsə barədə xəbərdarlıq etməyə çalışırlar.

«The Arborist» adlı qorxu və triller filminin rejissoru Endrü Macdır. ABŞ istehsalı olan bu ekran əsəri 2025-ci ildə işıq üzü görüb. Filmin əsas rollarını Zahari Qelvin, Lüsi Uolters, Aymi Doerti və Denni Korbo canlandırıblar.