F20

Övladına şizofreniya diaqnozu qoyulduğunu öyrənən ana gözlənilməz bir sınaqla üz-üzə qalır. Gəncin səhhətindəki bu ciddi problem ailənin daxilində gizlədilməsi çətin olan bir sirrə çevrilir.

Qadın oğlunun xəstəliyini ətrafdakılardan nəyin bahasına olursa-olsun gizlətmək qərarına gəlir. O, qonşuların və tanışların həqiqəti bilməməsi üçün əlindən gələn hər vasitəyə əl ataraq vəziyyəti idarə etməyə çalışır.

Cənubi Koreya istehsalı olan «F20» triller filmi 2021-ci ildə rejissor Hon In-mi tərəfindən çəkilib. Ekran əsərində əsas obrazları Kim So-von, Kim Con-yon, Kim Qvan-sop və Yu So-cin canlandırıblar.