Meşə

Gənclərdən ibarət dost qrupunun Kaliforniya meşəliklərinə səfəri gözlənilməz kabusa çevrilir. İki rəfiqə və onların yoldaşları təbiətin qoynunda vaxt keçirmək üçün kimsəsiz və sıx meşə ərazisinə yollanırlar. Lakin bu yerlərin tərk edilmiş olduğunu düşünən yad adamlar tezliklə yanıldıqlarını anlayırlar.

Sivilizasiyadan uzaq bu məkanda qəhrəmanlar yerli tərki-dünya bir sakinlə qarşılaşırlar. Həmin adam yad insanları sevmir, insan əti ilə qidalanır və meşəyə gələnlərə aman vermir. Beləliklə, gənclərin gəzintisi qaniçən hanniballa təhlükəli bir üz-üzə qalmaya çevrilir.

ABŞ istehsalı olan «The Forest» qorxu filmi 1982-ci ildə tamaşaçılara təqdim edilib. Qorxu və triller janrında çəkilmiş ekran əsərinin rejissoru Don Consdur. Əsas rolları Stefford Morqan, Merlin Anderson, Din Rassell və Janett Kelli canlandırıblar.