Rogue River

Mara adlı gənc qadın vəfat etmiş atasının külünü suya sovurmaq məqsədilə soyuq çay sahilinə yollanır. O, kimsəsiz sahilboyunda yerli bir sakinlə rastlaşır. Həmin adam Maranın kədərini bölüşərək onun əhvalını bir qədər yaxşılaşdırmağı bacarır.

Yola qayıtdıqda isə gözlənilməz problemlə üzləşirlər: qızın avtomobili saxladığı yerdən yoxa çıxıb. Mara çaşqınlıq içində qalarkən yeni tanışı qonaqpərvərlik göstərir və gecəni onun evində keçirməyi təklif edir. «Rogue River» filminin qəhrəmanı bu dəvəti qəbul etmək qərarına gəlir.

ABŞ istehsalı olan qorxu və triller filmi 2010-cu ildə işıq üzü görüb. Ekran əsərinin rejissoru Cordan MakKlürdür, əsas obrazları isə Mişel Peyc, Bill Mousli, Maykl Kudlits və Kris Koy canlandırıblar.