Gözünü dörd aç

1947-ci ilin Milad ərəfəsində balaca Harri anasını Şaxta baba geyimindəki yad kişi ilə birlikdə görür və bu hadisə onda dərin sarsıntı yaradır. Həyətə qaçan uşaq qəzəb içində qar adamını dağıdır. Həmin gecə baş verənlər onun bütün gələcək həyatına təsir edir.

İllər keçir və Harri Milad bayramına qarşı xüsusi bir bağlılıq duyaraq oyuncaq fabrikində işləməyə başlayır. Psixikası pozulan qəhrəman uşaqları izləyir və onların adlarını iki dəftərə — yaxşılar və pislər siyahısına yazır. Tədricən onun Milad sevgisi təhlükəli və qanlı bir formaya çevrilir.

ABŞ istehsalı olan «You Better Watch Out» qorxu filmi 1980-ci ildə ekranlara çıxıb. Trillerin rejissoru Lüis Ceksondur. Baş rolları Uill MakMillan, Ouen Hollander, Co Camroq və Horas Beyli canlandırıblar.