Memorial Vadisində Qətliam

Memorial dərəsi uzun müddət ərzində toxunulmaz qalmış gözəl bir təbiət güşəsidir. Nəhayət, bu ərazi kütləvi istirahət üçün hamının üzünə açılır və bölgənin dörd bir yanından bura istirahət etmək istəyən turistlər axışır. Meşəbəyilər və yerli sakinlər bu yerlərdə baş verən qəribə hadisələrdən xəbərdar olsalar da, xəbərdarlıqlara heç kim məhəl qoymur.

Milli parkın tamahkar sahibi sadəcə qazanc əldə etmək barədə düşündüyündən təhlükəni heçə sayır. Həftəsonunu şəhərdən kənarda keçirmək üçün gələn dinc insanların isə baş verənlərdən qətiyyən xəbəri yoxdur. Təbiət qoynunda əyləncə axtaran turistlər qəfildən qanlı bir qətliamın ortasına düşürlər.

1989-cu il istehsalı olan «Memorial Vadisində Qətliam» adlı qorxu və triller filmini rejissor Robert S. Hyuz çəkib. ABŞ istehsalı olan bu ekran əsərində baş rolları Kemeron Mitçell, Cey Bayron, Karen Rassell və Livinqston Holms ifa ediblər.