Kabus yük maşını

Avtomobillə yola çıxan dörd dostun səfəri qəfil qəza ilə kəsilir: böyük bir avtoqatar onların maşınına çırpılır. Xoşbəxtlikdən heç kim ciddi xəsarət almır, lakin gənclər bu dərəcədə ehtiyatsız davranan sürücünün kim olduğunu öyrənmək istəyirlər. Kabinəyə yaxınlaşdıqda isə sükan arxasında heç kimin olmadığını görürlər.

Yaranmış vəziyyət səbəbindən yolda qalan dostlar məcburiyyət qarşısında həmin sahibsiz yük maşınına minərək hərəkətə davam etmək qərarına gəlirlər. Onlar bu nəhəng texnikanın mühərrikində yağ əvəzinə qan axdığını və yük yerində nələrin gizləndiyini əvvəlcədən bilmirlər.

«Road Train» adlı Avstraliya istehsalı olan bu qorxu və triller filmini 2009-cu ildə rejissor Din Frensis çəkib. Əsas rollarda Ksavye Semyuel, Bob Morli, Sofi Lou və Corcina Heyq çıxış edir.