Zəbur 21

Stokholmda yaşayan gənc keşiş Henrik yuxularında tez-tez dünyasını dəyişmiş anasını görür və bu qorxulardan qurtula bilmir. Bir gün İsveçin meşələrində gizlənən ucqar bir kənddən gözlənilməz xəbər gəlir. Məlum olur ki, onun kilsə xadimi olan atası qəribə şəraitdə suda boğularaq ölüb.

Yaxınının ölüm səbəbini anlamaq istəyən Henrik həmin kəndə yollanır və hadisəni özü araşdırmağa başlayır. Axtarışlar onu keçmişin qaranlıq sirlərinə aparır və insanlara ölüm gətirən həqiqi şər qüvvə ilə qarşı-qarşıya qoyur.

«Psalm 21» adlı qorxu və triller filmi rejissor Frederik Hiller tərəfindən çəkilib. 2009-cu ildə İsveçdə istehsal olunmuş ekran əsərində baş rolları Aksel Morisse, Yonas Kruze, Malin Arvidsson və Kerstin Qrin canlandırır.