Qəbilə

Liz və yoldaşlarının Cənub dənizlərində yaxta ilə çıxdıqları dəniz səyahəti qəza ilə nəticələnir. Gəmiləri batan gənclər yaxınlıqdakı tropik adanın sahilinə çıxaraq xilas olmağı bacarırlar. Sahildə fəlakət siqnalı verən qrup xilasedicilərin gəlişini gözləməyə başlayır.

Lizin nişanlısı Piter qəfil və müəmmalı şəkildə yoxa çıxdıqda vəziyyət tamam dəyişir. Cəngəlliklərdə gizlənən adanın yerli sahibləri heç də qonaqpərvər deyillər və gənclər tək olmadıqlarını anlayırlar. Qonaqlar üçün xilasedici dəstə gəlib çıxana qədər sağ qalmaq çətin sınağa çevrilir.

2009-cu ildə ABŞ-da istehsal olunmuş «The Forgotten Ones» trilleri Corc İhl tərəfindən çəkilib. Ekran əsərində baş rolları Helena Barret, Mark Baçer, Terri Notari və Vilton Qodfri canlandırıblar.