Qorxu evi

Altı nəfərdən ibarət dost qrupu əylənmək məqsədilə fəaliyyətini dayandırmış qorxu attraksionuna daxil olur. Ətrafda dolaşan şayiələrə görə, həmin məkanda kabuslar məskən salıb. Lakin gənclər içəri daxil olduqdan sonra burada tək olmadıqlarını anlayırlar.

Binada saxlanılan qədim qaranlıq artefakt təhlükəli bir iblisi oyadır və bədheybət qorxutmaq üçün qurulmuş bütün vasitələri idarə etməyə başlayır. Firon sərdabəsi, sirk təlxəyi və qorxulu müqəvva qəfildən canlanır. İblis insanların daxili qorxularını həqiqətə çevirir və binaya girənləri məhv etməyə çalışır. Buradan xilas olmağın yeganə yolu isə daxili vahiməyə qalib gəlməkdir.

«House of Fears» qorxu filmi 2007-ci ildə ABŞ-da istehsal olunub və rejissoru Rayan Littldir. Əsas rolları Eliot Şvarts, Loren MakNayt, Eşli Morqan və Sidni Nil canlandırıb.