The Mutilator

Uşaq ikən atasının ov tüfəngini təmizləmək istəyən oğlan ehtiyatsızlıqdan anasını qətlə yetirir və ailədə dəhşətli faciə yaşanır. İllər ötür, böyüyüb gənc oğlana çevrilən Ed uzun müddətdir görmədiyi atasından qəfil zəng alır. Ata oğlundan həmin qanlı hadisənin baş verdiyi kimsəsiz və uzaq sahil evini qış mövsümü üçün bağlamağı xahiş edir.

Ed dostlarını da yanına alaraq adaya yollanır və gənclər burada əyləncəli vaxt keçirməyi planlaşdırırlar. Lakin heç kimin xəbəri yoxdur ki, Edlə əlaqəni kəsmiş ata artıq adada gizlənib. O, müxtəlif ölüm alətləri toplayaraq gəncləri tək-tək məhv etmək üçün gizlicə uyğun anı gözləyir.

1984-cü ildə çəkilmiş «The Mutilator» qorxu filminin rejissorluğunu Con Duqlass və Baddi Kuper ediblər. ABŞ istehsalı olan bu trillerdə əsas rolları Mett Mitler, Stiv Devis, Frensis Reynes və Devid Bell canlandırıblar.