Görünməz

Cennifer, Karen və Vikki adlı üç gənc jurnalist növbəti reportaj üçün Kaliforniyanın Solvanq qəsəbəsinə yollanır. Onların əsas məqsədi burada təşkil olunan illik festival və yarmarkanı işıqlandırmaqdır. Lakin qonaqların çoxluğu səbəbindən yerli otellərin heç birində boş otaq tapılmır.

Çıxılmaz vəziyyətdə qalan qızlar yerli muzeyin sahibi Ernest Kellerin təklifini qəbul edirlər. O, jurnalistləri həyat yoldaşı Virciniya ilə birgə yaşadığı malikanəyə dəvət edir. Qonaqlar isə bu evin zirzəmisində iyirmi ildir gizlənən və onlarla təmas qurmaq istəyən dəhşətli məxluqdan xəbərsizdirlər.

ABŞ istehsalı olan «The Unseen» qorxu filmi 1980-ci ildə ekranlara çıxıb. Trillerin rejissoru Denni Steynmann, baş rol ifaçıları isə Luis Yanq, Duqlas Barr, Barbara Bax və Liliya Qoldonidir.