Pis yuxular

Sintiya on üç illik komadan sonra nəhayət ayılır. O, vaxtilə hippi ideyaları ilə okkultizmi qarışdıran bir təriqətin rəhbəri Harrisin qurban ritualı zamanı onu öldürmək cəhdindən sonra bu vəziyyətə düşmüşdü.

Ayılmaq da gənc qadına rahatlıq gətirmir və vəziyyəti daha da pisləşir. Qrupun keçmiş üzvləri bir-bir həyatını itirməyə başlayır və Sintiya bu qətllərin arxasında təriqət liderinin xəyalətinin dayandığına inanır.

ABŞ istehsalı olan «Bad Dreams» qorxu və triller filmi 1988-ci ildə nümayiş olunub. Ekran əsərinin rejissoru Endryu Fleminqdir, rollarda isə Linda Key, Toni Çiçeri, Enni Vaterman və Şila Skott-Uilkinson çəkiliblər.