Slow Burn

Trina hələ uşaqlıq illərindən bəri ailəsi ilə birlikdə Meksikanın qızmar qumluqlarında itmiş brilyantları axtarır. Nəsillər boyu davam edən bu cəhdlər heç bir nəticə verməsə də, qız axtarışları dayandırmaq istəmir. Lakin ailənin illərdir tapa bilmədiyi həmin xəzinə gözlənilmədən iki qaçaq cinayətkarın əlinə keçir.

Markus və Daster adlı bu qaçaqlar təsadüfən rastlaşdıqları Trinanı girov götürərək ondan sərhədə qədər bələdçilik etməyi tələb edirlər. Çölün ortasında maşının xarab olması və içməli suyun tükənməsi hər üçünü çətin vəziyyətdə qoyur. İndi onlar sağ qalmaq üçün bir yerdə hərəkət etmək məcburiyyətindədirlər, lakin hər an bir-birlərinə xəyanət etməyə hazırdırlar.

ABŞ istehsalı olan «Slow Burn» trilleri 1999-cu ildə rejissor Kristian Ford tərəfindən çəkilib. Filmdə əsas rolları Minni Drayver, Cennifer Enn Evans, Nikol Fellouz və Kapris Benedetti canlandırırlar.