Yeganə sağ qalan

Reklam prodüseri Denis Uotson dəhşətli təyyarə qəzasında sağ çıxan yeganə sərnişin olur. Bütün digər insanların həlak olduğu qəzada o, heç bir xəsarət belə almır. Maraqlıdır ki, Denisin qəhvə reklamına çəkdiyi keçmiş aktrisa Karla Devis bu faciəni əvvəlcədən dəqiqliklə təsvir etmişdi.

Xəstəxanadan çıxdıqdan sonra gənc qadın bəlaların arxada qaldığını düşünsə də, reallıq qorxulu bir kabusa çevrilir. Yenicə dünyasını dəyişmiş insanlar Denisin izinə düşərək onu addım-addım izləməyə başlayırlar. Sanki ölüm yarımçıq qalmış işini tamamlamağa çalışır.

«Yeganə sağ qalan» (Sole Survivor) adlı ABŞ istehsalı olan bu qorxu filmi 1984-cü ildə ekranlara çıxıb. Trillerin rejissoru Tom Eberhardt, baş rolların ifaçıları isə Robin Devidson, Karen L. Larki, Vendi Deyk və Stefen V. İsbelldir.