Cadugərlər əfsanəsi

Rey ağır xəstə olan anasını xilas etmək üçün Selenanın cadugərlərə qoşulmaq və bir arzu tutmaq təklifini qəbul edir. Qərarın ağır bədəli özünü dərhal büruzə verir. İdarə edə biləcəyini düşündüyü qüvvə bir sıra amansız və müəmmalı hadisələrə yol açır, nəticədə qız idarəolunmaz bir güclə üz-üzə qalır.

Artan ölümlər və qəfil dağıntılar detektiv Trevor Rollinsin diqqətini çəkir və o, araşdırmaya başlayır. Məntiqi ipucları axtaran müstəntiq addım-addım qaranlıq sirlərə yaxınlaşaraq Reyin izinə düşür. Vicdan əzabı çəkən Rey isə arzusunu geri götürüb hər şeyi düzəltməyə çalışır. Lakin cadugərlərdən birdəfəlik uzaqlaşmaq və ya bu qüvvəni öz şərtləri ilə qəbul etmək arasında seçim etmək asan deyil.

ABŞ istehsalı olan «Cadugərlər əfsanəsi» trillerinin rejissoru Tiana Melvinadır. Baş rollarda Olqa Petroviç, Kinq Cuda, Ceffri Hempden və Şey Mak çəkiliblər.