Stomatoloq

Uğurlu həkim Alan Feynstoun həyat yoldaşının ona xəyanət etdiyindən şübhələnir. Bu qısqanclıq hissi onun ağlını itirməsinə səbəb olur. Dəli olmuş həkimin ilk qurbanı qonşunun iti olur, ardınca isə o, arvadı üzərində amansız və qəddar təcrübə həyata keçirir.

Doktorun xəstə təxəyyülü tezliklə ailə çərçivəsindən kənara çıxır. Qəbula gələn pasiyentlər də onun dəhşətli hərəkətlərinin hədəfinə çevrilirlər. Stomatoloji kabinet ziyarətçilər üçün əsl işgəncə məkanına çevrilir.

«Stomatoloq» (The Dentist) filmi 1996-cı ildə ABŞ-da rejissor Brayan Yuzna tərəfindən çəkilib. Triller və qorxu janrında olan layihədə əsas rolları Korbin Bernsen, Molli Heyqan, Coann Baron və Mark Ruffalo canlandırıblar.