Ev heyvanlarının qəbiristanlığı 2

Həyat yoldaşının vəfatından sonra baytar Çeyz Metyus on üç yaşlı oğlu Cefflə birlikdə Ludlou adlı sakit qəsəbəyə köçür. Yeni məkanda oğlan Dryu adlı həmyaşıdı ilə dostlaşır. Çox keçmir ki, yeni dostunun ailəsində böyük problemlər olduğu üzə çıxır: yerli şerif olan ögey atası Qas Qilbert yeniyetməyə qarşı daim amansız davranır.

Şerifin qəddarlığı son həddə çatır və o, Dryunun sevimli köpəyini güllələyir. Həlak olmuş iti basdırmaq istəyən oğlanlar qədim hind qəbiristanlığına üz tuturlar. Rəvayətlərə görə, bu torpaqda dəfn edilən hər kəs bir müddət sonra mütləq geri qayıdır.

«Ev heyvanlarının qəbiristanlığı 2» (Pet Sematary II) qorxu filminin rejissoru Meri Lambertdir. 1992-ci il ABŞ istehsalı olan bu ekran əsərində baş rolları Ceyson MakQuayr, Rik Andoska, Darlenn Fligel və Brüs İvers canlandırıb.