Qaranlıq qorxusu

Bir tələbə arxasında qan içində bir məkan qoyaraq qəfil yoxa çıxır. Əsas şübhəli şəxs qismində onun sevgilisi Skay Uilyams görülür. Lakin hadisə yerində tapılan gənc qız tamamilə susur və heç bir kəlmə kəsmir. Nə baş verdiyini aydınlaşdırmaq üçün gənc psixoloq Sara Feytful bu qəliz işi araşdırmağa başlayır.

Sara pasiyentə kömək etmək və onun dilini açmaq üçün əlindən gələni edir. Lakin bu araşdırma təkcə şübhəlinin şüuraltı sirlərini açmaqla bitmir. Qaranlıq qatlara endikcə həkim həm də öz daxili qorxuları və şəxsi kabusları ilə üz-üzə qalmağa məcbur olur.

Avstraliya istehsalı olan «The Fear of Darkness» filmi 2014-cü ildə Kristofer Fitçett tərəfindən çəkilib. Qorxu və triller janrındakı ekran əsərində baş rolları Meyv Dermodi, Kristofer Sommers, Helen Hovard və Stiv Hirst canlandırıb.